هو عنوان المدونة بالتأكيد
حيث يبقيني النور يقظة ، مشدوهة .. بينما يمنحني الظل بعداً آخر
لأشعر أنني أصبحت من أكونه
طبعا بعيدا عن هذا الكلام الكبير اللي أحيانا بقوله
كلنا بين النور و الضل
بنتخلق في الضل
و نتولد للنور
و بنفضل في المسافة اللي بينهم نتحرك
و بتفضل دواخلنا أغلبها في الضل
و لا تتعرض للنور إلا قليلا
مناطق جوانا كلنا محدش يعرف عنها حاجة
و مبنخليش حد يوصلها بسهولة
الجانب الآخر منا
شرورنا الصغيرة
علاقتنا بأنفسنا و بالله
رغباتنا
أحلامنا
و المسألة كلها بإختيارنا.. بإيدينا نختار
ايه اللي في النور
و ايه اللي يفضل في الضل
و رغم ان دواخلنا هي اللي بتدينا انسانيتنا علشان متبقاش تعاملاتنا مجرد سلوك اجوف
لكن يبقى التوازن بين الداخلي و الخارجي هو الأهم
علشان يبقى اللي جوا ضل للي برة و الاتنين يعبروا عن حد واحد بس مش اتنين
يعني تبقي حد شبه نفسه اوي
أو بمعنى تاني
تكون أكثر اتساقاً مع ذاتك
.
.
و من اجل هذا أدون
حيث يبقيني النور يقظة ، مشدوهة .. بينما يمنحني الظل بعداً آخر
لأشعر أنني أصبحت من أكونه
طبعا بعيدا عن هذا الكلام الكبير اللي أحيانا بقوله
كلنا بين النور و الضل
بنتخلق في الضل
و نتولد للنور
و بنفضل في المسافة اللي بينهم نتحرك
و بتفضل دواخلنا أغلبها في الضل
و لا تتعرض للنور إلا قليلا
مناطق جوانا كلنا محدش يعرف عنها حاجة
و مبنخليش حد يوصلها بسهولة
الجانب الآخر منا
شرورنا الصغيرة
علاقتنا بأنفسنا و بالله
رغباتنا
أحلامنا
و المسألة كلها بإختيارنا.. بإيدينا نختار
ايه اللي في النور
و ايه اللي يفضل في الضل
و رغم ان دواخلنا هي اللي بتدينا انسانيتنا علشان متبقاش تعاملاتنا مجرد سلوك اجوف
لكن يبقى التوازن بين الداخلي و الخارجي هو الأهم
علشان يبقى اللي جوا ضل للي برة و الاتنين يعبروا عن حد واحد بس مش اتنين
يعني تبقي حد شبه نفسه اوي
أو بمعنى تاني
تكون أكثر اتساقاً مع ذاتك
.
.
و من اجل هذا أدون
22 comments:
و الحياة نوعان
حياة في الظل و اخري في النور
و لكل حياة ناسها و لكل حياة مميزاتها و عيوبها
اسم المدونه ممتاز
حلو الأستايل دا
وحلوة الألوان
وحلو الكلام
بجد الله ينور:))
نرمين
دى اول مرة ازورك
ومش هتكون الاخيرة
بس تفتكرى الانسان يقدر يطلع كل اللى جواه من غير ما يخبى اى حاجة
ما افتكرش
اكيد فى حاجة جوانا مش حابين حد يعرف عنها حاجة
اكيد
اتمنى دوام التواصل
ارق تحياتى
مناطق جوانا كلنا محدش يعرف عنها حاجة
و مبنخليش حد يوصلها بسهولة
الجانب الآخر منا
شرورنا الصغيرة
الكلام معبر جدا
بحيكي عليه بس وجهة نظر خفيفة
ليه مشعايزين حد يوصلها
نحن من يخلق تلك الهالة السوداء بداخلنا فتصبح ثقلا علينا
هل نحن نبرأ منها
انا الآن لا اهتم لتلك المناطق اريدها جمبعا في النور
من يولد في النور يكره الظلام
وما ولد في الظلام
يجد صعوبة حتي يري النور
تحياتي
الجانب الآخر منا
شرورنا الصغيرة
علاقتنا بأنفسنا و بالله
رغباتنا
أحلامنا
و المسألة كلها بإختيارنا.. بإيدينا نختار
ايه اللي في النور
و ايه اللي يفضل في الضل
----------------------------------
ومن اجل ذالك ادون....
رائعة بجد التدوينة والعنوان والمدونة ككل بجد ممتاز يا نرمين
وموضوع الظل والنور دة فكرنى بشوية افكار حاولت اشيلهم من دماخى بس فشلت
ذو النون
اهلا بيك
نورتني
بس تفتكر الحياة في الظل ليها مميزات
مش عارفة .. يمكن
بس الاكيد انها هتبقى منقوصة برده
بلو ويف
شكرا يا دكتر
الله ينور علي حضرتك يا فندم
fire bird
ميرسي علي زيارتك يا جميلة
هو اكيد زي ما قلتي فيه حاجات مش "حابين" حد يعرفها
بس مش حابين ليه هو دا السؤال
afew good men
اولا اهلا بيك
بص هو مش عاوزين ليه دي هي غالبا القضية كلها
اكيد كل حد و عنده سبب
الغزالي
اهلا بيك
نورت
بس موضوع الافكار دا قلقني بصراحة :)
بس انا بحس احيانا ان الكتابة بتسبب ازدواجية
فكرة حلوة على فكرة ...بس انا بحس في بعض الأحيان ان انا أتنين ...عندي شيزوفرينيا ..أو انفصام ...هناك الكثير من الدواخل التي لانعلمها عن بعضنا البعض أعتقد لو تسنى لي أن أعلم تلك الدواخل ..لأحيلت حياتي جحيماً وأنعدمت الثقة في الناس بالفعل
نرمين
مدونتك جميلة دى اول مرة ازور مدونتك
وان شاء الله تتكرر كتير
بوست جميل
تحياتى اسير الجراح
مبروك عودتك لعالم التدوين ويارب ما تقفليش المدونة دى كمان بعد شوية
نرمين
فين الجديد ؟؟؟؟؟؟؟؟؟؟؟؟؟؟
نرمين ..
انا لال امانع بالشرور الصغيرة ..
كلنا جوانا شرور صغيرة و نواقض و نواقص..
بس المهم اوي يا نيرمين اننا مانضرش حد بيها..
لأن في ناس مضرين اوي
اوي.
عافانا الله منهم ..
مدونتك حلوة .. بس انتي مش باينة فيها ليه من عشر ايام ؟؟
:)
معاذ
ازيك
غريبة ان يكون دا رأيك .. رغم احترامي ليه طبعا
بس انا بحس ان الكتابة هي اخر حاجة ممكن تعمل ازدواجية
الا اذا كان الكاتب من الأصل بيتصنع
Hu-man
اظن انك تحس انك اتنين يعني دا شعور طبيعي
مش وحش يعني
بس المهم ان الاتنين يحاولوا يقربوا من بعض
ميبقوش مختلفين كتير
و اعتقد ان من رحمة ربنا اننا منعرفش كتير من دواخل الاخرين
تخيل فكرة انك تكون قادر علي قراءة افكار الاخرين مثلا :)
لاحظ رغم انها قد تكون افكار لا تخرج الي حيز الفعل احيانا
بجد تبقي كارثة
اسير الجراح
ميرسي ع الزيارة اوي
و انا سعيدة انك ناوي تكررها
قلب مصري
الله يبارك فيك يا فندم
انا فكرت اسمي المدونة في الاول ست ابوها علي اساس مش بيعيش لي مدونات يعني
بس ان شاء الله انا متفائلة و ان شاء الله متتقفلش :D
فاير بيرد
الجديد جاي بإذن الله
و ميرسي ع المتابعة
شيماء علي
انا ايضا لا امانع ببعض الشرور الصغيرة
كلنا فينا الخير و الشر
و محدش فينا ملاك
بس يارب فعلا زي ما بتقولي محدش يضر حد
آمين يارب
و بعتذر عن الغياب
انشغلت في كذا حاجة من النوع البايخ حبتين
Post a Comment